બનાસકાંઠા જિલ્લાના અંતરિયાળ અભાવગ્રસ્ત વિસ્તારના બાળકો શિક્ષણથી વંચિત ના રહે તે હેતુથી જિલ્લા મથકે નિવાસ સાથે શિક્ષણની તકો પૂરી પાડવા માટે આજથી સાત દાયકા પહેલા શ્રી બનાસકાંઠા આંજણા પટેલ કેળવણી મંડળ ની સ્થાપના થઈ. જેના બીજમાંથી નવસર્જન વિકાસના કલેવર ધારણ કરી દિલેર દાતાઓની દેણગી અને શુભેચ્છકોની સદભાવના યુક્ત હુંફથી 'આદર્શ વિદ્યાસંકુલ' અને 'લાલાવાડા કેમ્પસ' પાલનપુર શહેરમાં નવતર જ્ઞાનરૂપી પ્રકાશ રેલાવી રહ્યું છે.

કેળવણી મંડળ દ્વારા પ્રાથમિક, માધ્યમિક અને ઉચ્ચતર માધ્યમિક શિક્ષણ ગુજરાતી અને અંગ્રેજી માધ્યમમાં પૂરું પાડી રહી છે. ઉચ્ચ શિક્ષણમાં પણ આર્ટસ, કોમર્સ, સાયન્સ અને નર્સિંગ ના અભ્યાસક્રમો ચલાવી રહી છે. સાથે ઉત્તર ગુજરાતની એકમાત્ર જીટીયુ સાથે જોડાણ ધરાવતી બી.સી.એ કોલેજ પણ કાર્યરત છે.

આજ દિન સુધી આદર્શ વિદ્યાસંકુલ અને લાલાવાડા કેમ્પસની વિવિધ શાખાઓ અને છાત્રાલયો ના વિદ્યાર્થીઓએ વિવિધ ક્ષેત્રે ઝળહળતી સિદ્ધિઓ હાંસલ કરી પ્રેરણાધોતક બની રહ્યા છે. શિક્ષણ યુક્ત નવસર્જનના અનેક સ્વપ્નો લઈને આપ સમક્ષ આવી રહ્યા છીએ. આપ સૌ શિક્ષણ ઉત્કર્ષ માટે સાથ - સહકાર આપશો એવી અભ્યર્થના...