નિસ્તારા.પી.પટેલ આર્ટ્સ કૉલેજ

નિસ્તારા પી. પટેલ આર્ટ્સ કૉલેજ 

સંચાલક: શ્રી બનાસકાંઠા આંજણા પટેલ કેળવણી મંડળ

શિક્ષણનો ગૌરવમય વારસો

શ્રી બનાસકાંઠા આંજણા પટેલ કેળવણી મંડળની સ્થાપના આઝાદી પછીના સમયગાળામાં બનાસકાંઠા જેવા પછાત ગણાતા જિલ્લામાં ઉચ્ચ શિક્ષણનો વ્યાપ વધે અને સ્થાનિક વિદ્યાર્થીઓને ઘરઆંગણે જ ગુણવત્તાયુક્ત શિક્ષણ મળે તે હેતુથી વર્ષ ૧૯૫૫માં પાલનપુર શહેરના હાર્દ સમાન ડેરી રોડ પર “આદર્શ કેમ્પસ”નામથી કરવામાં આવી હતી. છ દાયકાથી વધુના શ્રેષ્ઠ શૈક્ષણિક અનુભવ અને પ્રતિબદ્ધતાના આધારે મધ્યમ અને ગરીબ વર્ગના વિદ્યાર્થીઓને ઘર આંગણે જ ગુણવત્તાયુક્ત ઉચ્ચ શિક્ષણ મળી રહે તે હેતુથી મંડળે વર્ષ ૨૦૦૩માં નિસ્તારા પી. પટેલ આર્ટ્સ કોલેજની સ્થાપના કરી. જેમાં વિદ્યાર્થીના સર્વાંગી વિકાસ માટે જરૂરી તમામ આધુનિક સુવિધાઓ સાથે શ્રેષ્ઠ શૈક્ષણિક વાતાવરણ પૂરું પાડવામાં આવે છે. આજની તારીખે પણ કૉલેજ ઉચ્ચ શૈક્ષણિક પ્રતિષ્ઠાના પ્રેરણાસ્રોત તરીકે કાર્યરત છે.

અમારી કોલેજનો આર્ટ્સ વિભાગ વિદ્યાર્થીઓમાં વિચારશીલતા, ભાષાત્મક કુશળતા અને સાંસ્કૃતિક સંવેદનશીલતાનો વિકાસ કરવા પ્રતિબદ્ધ છે. આ વિભાગમાં ઇતિહાસ, અંગ્રેજી અને ગુજરાતી મુખ્ય વિષયો તરીકે ભણાવવામાં આવે છે, જે વિદ્યાર્થીઓને સમાજ, સાહિત્ય અને માનવ સંસ્કૃતિ અંગે વિસ્તૃત દૃષ્ટિકોણ આપે છે. સાથે સાથે સંસ્કૃત અને હિન્દી જેવા ગૌણ વિષયો દ્વારા ભારતીય ભાષા અને પરંપરાનો ગાઢ પરિચય મળે છે. અનુભવી અધ્યાપકોના માર્ગદર્શન અને ગુણવત્તાપૂર્ણ શિક્ષણ દ્વારા આર્ટ્સ વિભાગ સર્વાંગી વ્યક્તિત્વ અને મૂલ્યસભર વિચારો ધરાવતા વિદ્યાર્થીઓ ઘડવાનો પ્રયાસ કરે છે.