શેરા.એ.પટેલ કૉમર્સ કૉલેજ

શેરા એ. પટેલ કૉમર્સ કૉલેજ

સંચાલક: શ્રી બનાસકાંઠા આંજણા પટેલ કેળવણી મંડળ

શિક્ષણનો ગૌરવમય વારસો

શ્રી બનાસકાંઠા આંજણા પટેલ કેળવણી મંડળની સ્થાપના આઝાદી પછીના સમયગાળામાં બનાસકાંઠા જેવા પછાત ગણાતા જિલ્લામાં ઉચ્ચ શિક્ષણનો વ્યાપ વધે અને સ્થાનિક વિદ્યાર્થીઓને ઘરઆંગણે જ ગુણવત્તાયુક્ત શિક્ષણ મળે તે હેતુથી વર્ષ ૧૯૫૫માં પાલનપુર શહેરના હાર્દ સમાન ડેરી રોડ પર “આદર્શ કેમ્પસ”નામથી કરવામાં આવી હતી. છ દાયકાથી વધુના શ્રેષ્ઠ શૈક્ષણિક અનુભવ અને પ્રતિબદ્ધતાના આધારે મધ્યમ અને ગરીબ વર્ગના વિદ્યાર્થીઓને ઘર આંગણે જ ગુણવત્તાયુક્ત ઉચ્ચ શિક્ષણ મળી રહે તે હેતુથી મંડળે વર્ષ ૨૦૦૩માં શેરા એ. પટેલ કૉમર્સ કોલેજની સ્થાપના કરી. જેમાં વિદ્યાર્થીના સર્વાંગી વિકાસ માટે જરૂરી તમામ આધુનિક સુવિધાઓ સાથે શ્રેષ્ઠ શૈક્ષણિક વાતાવરણ પૂરું પાડવામાં આવે છે. આજની તારીખે પણ કૉલેજ ઉચ્ચ શૈક્ષણિક પ્રતિષ્ઠાના પ્રેરણાસ્રોત તરીકે કાર્યરત છે.

અમારી કોલેજનો કોમર્સ વિભાગ વિદ્યાર્થીઓને વ્યાપાર, વાણિજ્ય અને અર્થતંત્રના ક્ષેત્રમાં મજબૂત અને વ્યાવહારિક જ્ઞાન પ્રદાન કરવાનો હેતુ ધરાવે છે. આ વિભાગમાં કોમર્સ વિષયનું શિક્ષણ ગુજરાતી તથા અંગ્રેજી બંને માધ્યમોમાં ઉપલબ્ધ છે, જેથી દરેક વિદ્યાર્થી પોતાની સુવિધા મુજબ અભ્યાસ કરી શકે. અભ્યાસક્રમ દ્વારા એકાઉન્ટિંગ, અર્થશાસ્ત્ર, વ્યવસાય વ્યવસ્થાપન અને નાણાંકીય સમજ વિકસાવવામાં આવે છે. અનુભવી અને સમર્પિત અધ્યાપકોના માર્ગદર્શન હેઠળ કોમર્સ વિભાગ વિદ્યાર્થીઓને આત્મવિશ્વાસભર્યા, કુશળ અને ભવિષ્યમુખી વ્યાવસાયિક બનવા માટે તૈયાર કરે છે.